Page 3 - 原住民族文獻第13輯

itu siuning sintungaus tu halinga

Takisilazan tu maampuk hai punbuntuin kauni mas iecumin tu paitasan cin（原住民文
獻），Nitu kaupas mapasadu mas itu iecumin（原住民）isia katdan cin tu bunka（文化）
mas Mauk-uviv-vaiv（不斷變遷）tu sin-ihumis，musasu muhna sidinun mas mastan bahlu
Saungadah tu sin-palihansiap，mapithas mapis-haiap mas tudipang tu sin-ihumis，maza sian
tu pinin-aiza tu patasan hai，na ispin-aiza mas iecumin taiki-habas sin-ihumis（歷史） tu na
ispantala-tala（傳承）mas painaslun tu taiklas（知識累積） mastan kahubun tu lainihaiban，
musasu mainsun mas duma tu bunun sahal mas-itu iencumin tu sin-ihumis、Tamasaz mas vaivi-
vaivi taiklas tu hainiiapan，min-uni mas itu takisilazan sin-ihumis Mumuslut tu kangnadan。
Maza andi taismi 13 kai-unian patasanan hai sidinun mas maisna sia 58 sausia 61 paitasan
Manauaz sinkuzakuza tu kai-unian，maisupaha ispalihansiap tu kanadan：maza taismi 58 tu
Ispalihansiapan hai pali-uni mas 「ludun、libus、vahlas，ningav mas palidalah」，paisnasia
mas sin-ihumis kungadah sadu，pali-uni mas tudip tu asng mintastu-tuhluantan，namakua
Saipuk malishut mas ana-anak tu dalah sin mas ini-humisan，mapaldauk mas inihumisan Tu
kangnadan sin bahlu inihumisan makin-dusa tu sin-kuzakuza；maza taismi 59 tu ispalihansiap
haih＜inak tu siduh、inak tastumumu tu sinsailang＞isia amin sia itu iencumin mabu-buklas
bunun tu kain-anakan mapinsia,mahtu saduan tu makua takisilazan bunun maku-uni mas
anakank tu sainiduan muhna kabahlu tahumas taikihabas tu sin-ihunis mas laupaku bahlu tu
inin-humisan；Mmaza isia 60 tu paitasan hai pali-unimas＜daungkav mas ningav mai-aupa
sian sikakaupa＞，sadu mas tastudalah cin，maku-unis pai-paitasan tu hansiap mas makitvaivi
Manauaz tu sai-niduan palinanutu mas duma tu asang daingaz，mapishaiap tu makua takisilazan
bunun muskun mas vaivi-vaivi tus-a tu bunun patan-tungutungu mapa-uvaiv mas sin-ihumis
tu taiklas；Maza tais 61tu paitasan hai pali-unimas＜singbung、haninhu＞pin-unimas
ispalihansiap，maku-unimas kungsu＜公視＞ siniza tu haningu mas sintatahu tu dailaz，pali-
unimas mapapatas sinbung isia silazan bunun tu sin-ihumis mapantala-tala tu iskuza-kuza。
Sadu mas mai 4 kanadan palihansiap mapatas tu sindalaz cin，mahtu tupaun tu maisna
isang Makitvaivi tu sinkuzakuza，musasu dangian mas mastan madaing saudahvi tu sainiduan：
Tangus hai kanasia ana-anak sainiduan tu sin-ihumis kitngap，si-apav mas taikihabas tu sin-
ihumis mas laupaku tu is-ihumis tu sin-pansasais －isia taiki-habas asang tu inihumiasan hai
makua isia bahlu mauk-uvaiv tu tus-a cin mahunduh minhumis；musasu Mapacis-u mas midaz

(3) 主任委員序