Page 66 - 原住民族語言教學法工具書

ࡡИ͏ૄႧԊ઺ኪجʈՈࣣ

ڝ፽

Œ̔ԟ̔ԟబႧሙ˖ʫ࢙
cc’apaica Kanakanavu tamna niurina. cani mamane tia maica na rocu cacanʉ mataa tia
tasucʉkʉna:
1. kamanumanuʉn matarava cani cenana: tia patanganaiʉn, tavara’ʉ muciri. matianai
takutavarʉ’ʉ mucaca.

2. cusa matarava maan cenana: takutavarʉ’ʉ mara’an mucaca, arapana’ʉ mataa siacʉvʉrʉ
tamna sumasima’ʉ.
3. maan matarava maan aru cenana: takutavarʉ’ʉ ka’umo’uma, mapʉpʉnʉ, aracakanʉ mataa
makananu miacara tanasʉn.

4. maan aru matarava mapusan cenana: matirupangʉ minkana’ua kaisisi. tuisua miacara
tanasʉn tamna ngaca’ʉ ’intasʉ.
5. mapusan matarava matuun cenana: muru’ucangʉ, nguai pa tanasʉn tamna ngaca’ʉ
’intasʉ.

6. matuun matarava masʉpatʉʉn cenana: sikiningi cani pininga ’apacʉvʉrʉ nanamu.
7. masʉpatʉʉn matarava maimʉʉn cenana: marivici tanasʉ nanmarua mapurai cuvucuvungu
tamna putukioa.
8. maimʉʉn cenana macara: tuisua tanasʉn tamna mamarurang kisʉʉn. caucau tamna

takituturua. tia sikiningi ’apatunu Kanakanavu tamna kasakʉna mungka.
cccara ’intasʉ tia makananu ara’una? tia ’apaica tumatuturu mataa ’apacʉ’ʉra
sikamanʉngʉ. sua sikiningi tumatuturu ia, ka’anʉ ’inmamia cuma, cina. cʉpʉngana tamna
mamarang, sarunai, nanakʉ. mamanu tamna takituturua kavangvang sua nguani. to’unaa

tumatuturu, ka’anʉ ’inmamia na tanasa, nukai cani to’unaa. ’apanapa ’esi na cimʉrʉ.
’apanapa ’esi na tantanau. ’apanapa ’esi na cakʉran nungnung. tʉni kangvang na taningninga
pariku arapana’ʉ sumasima’ʉ. kavangvang isi, to’unaa mamanu kiatuturu. imua na tanasʉn
kakana’ua mamarang, tia manatʉrʉ sipungaringari, ’apacʉ’ʉra mamanu. masii mamanu mita

tʉni cu cucuru atiuma macʉrang mataa siacʉvʉrʉ tamna ’intasʉ.

54